Балкан

Судир меѓу полицијата и демонстрантите во Атина

Пред атинскиот Економски факултет денеска избувна судир меѓу група од околу 80 лица кои влегоа во зградата на факултетот и полицијата која се обиде да ги извади.

Во меѓувреме, Универзитетскиот сенат донесе одлука дека факултетот нема да работи до 17 ноември кога се одбележува годишнината од востанието во Атина, односно студентските протести во 1973 година, пренесува АНА.

Претходно полицијата користеше солзавец за да ги растера демонстрантите кои фрлаа камења и други предмети кон нив.

Досега никој не е уапсен.