January 16, 2019 00:55
Спорт

Стартуваше второто издание на кампот на Реал Мадрид Фондацијата во Охрид

Вториот интернационален камп на Реал Мадрид Фондацијата вчера и официјално беше отворен во Охрид. Добредојде на децата им посака носителот на лиценцата Влатко Тодев и менаџерот на Реал Мадрид Фондација,Карлос Касиљас Санчез.

,,Драго ми е што сме овде во Македонија и што со нашите тренери од Мадрид, Хуан Андрес Гонзалес и Жоакин Валерио ќе ви пренесеме дел од фудбалското искуство кое ќе ви овозможи нови знаења. Ќе учиме фудбал, а секојдневно преку едукативните предавања ќе ги имплементираме и основните вредности кои се темел на работата на нашата Фондација. Тоа се лидерство, тимска и напорна работа, почит и самоконтрола”, изјави Санчез.

На отворањето беше прочитано и писмо од општина Охрид во кое се изразува поддршката и реализација на визијата која кон овој камп ја даде прерано починатиот градоначалник Јован Стојаноски.

Со тренинзи тимот на тренери од Шпанија стартуваше во попладневните часови, со традиционалните тест натпревари за согледување на квалитетот со кој располага секој кампер одделно. Децата се поделени во групи според возраст и според фудбалското искуство кое го поседуваат.

Related posts

Историски триумф за Шифрин (видео)

Filip

Енди Мареј нема да игра на Вимблдон

24info

Непознат Хрват го ставил на аукција освоениот бронзен медал од Мундијалот во Франција 1998

Igor