October 17, 2019 08:07
Македонија

Средба на Димитров со новиот амбасадор на Народна Република Кина, Џанг Ѕуо

Министерот за надворешни работи Никола Димитров денес го прими новоименуваниот амбасадор на НР Кина во Република Северна Македонија, Џанг Ѕуо. Посакувајќи му срдечно добредојде на амбасадорот Ѕуо, министерот Димитров изрази очекување дека односите и севкупната соработка меѓу двете земји дополнително ќе се продлабочат и интензивираат во текот на мандатот на амбасадорот Ѕуо во Република Северна Македонија. На средбата беше изразено заемно задоволство од воспоставениот политички дијалог меѓу двете земји, како и од степенот на развој на економската соработка, што ги вклучува и активностите и проектите во рамки на „Процесот 17+1″. МНР Димитров исто така ја истакна подготвеноста за понатамошно унапредување на севкупната соработка. Амбасадорот Ѕуо го нагласи своето задоволство што доаѓа во пријателска држава со која минатата година беа одбележани 25 години дипломатски односи. Истакна дека за време на неговиот мандат во Република Северна Македонија, ќе работи на натамошно продлабочување на политичкиот дијалог и издигнување на економската соработка на уште повисоко ниво.

Нови вести

Заев- Туск: Северна Македонија и граѓаните ги исполнија сите услови за донесување одлука за почеток на преговори

Filip

За Макрон прерано е за преговори, Меркел се надева на компромис

Filip

Заев – Сасоли: Секоја друга одлука освен преговори ќе биде поттик за регресивни процеси во земјата и регионот

Filip