March 30, 2020 11:11
Свет

Според истражувања Германците се песимисти како никогаш досега

 Според истражувањата, пандемијата на коронавирусот предизвика огромен песимизам кај Германците.

Само 24 отсто од Германците со оптимизам гледаат на наредните 12 месеци, според истражувањата на „Аленсбах институт” за „Франкфуртер Алгемајне Цајтунг”(ФАЗ).

Во седум децении, колку што институтот редовно спроведува истражувања за расположението на граѓаните на Германија, односно нивниот поглед на иднината, вредноста никогаш не била пониска.

Изградбата на Берлинскиот ѕид во1961 година, две нафтени кризи во седумдесетите години, терористички напад на САД на 11 септември 2001 година, не предизвикаа толку песимизам како сегашната ситуација.

Најниска вредност на оптимизам е утврдена во 1950 година, со 27 отсто за време на војната во Кореjа.

Друго истражување покажува дека во борба со коронавирусот две третини од Германците сметаат на натамошни ограничувања на личната слобода.