June 19, 2019 05:20
Свет

Сопругата на Нетанјаху се спогоди – ќе плати 15.000 долари казна за нелегална испорака на храна

Сопругата на израелскиот премиер, Сара Нетанјаху, потпишала договор со државните обвинители за признавање на вината во случајот за илегална испорака на јадења.

Со тоа таа избегна обвинение за измама, но признала помал престап и ќе плати 15.000 долари, вклучително и 10.000 долари казна, а останатото ќе биде вратено на државата, пренесуваат израелските медиуми.

Пред една година таа и еден вработен во резиденцијата беа обвинети за измама и злоупотреба зашто потрошиле 100.000 долари државни пари за јадења од скапи ресторани иако во резиденцијата има готвач. Во тој случај не е дозволена испорака на јадења.

Тие наводно лажно претставувале присуство на готвач од септември 2010 до март 2013 година, со цел за порачките да плаќаат со државни пари. Нејзиниот соработник Езра Саидоф ќе плати казна од 2.765 долари.

Нови вести

Трамп најави депортација на милиони илегални имигранти од САД

Filip

Трамп најде замена за шефот на Пентагон – Еспер наместо Шенахан

Filip

Помпео: Трамп не сака војна со Иран

Filip