November 24, 2020 07:55
Македонија

Собранието се поднови со 100 лаптопи oд по 1.000 евра

Собранието на Република Македонија склучи договор за набавка на 100 преносни компјутери, за што претседателот Талат Џафери ставил потпис.

Станува збор за моделот HP EliteBook 735 G6 Notebook PC, а според набавката, еден лаптоп чини 56.445 денари или 917 евра, без вклучен ДДВ, објави порталот „360 степени“.

Договорот е склучен со ИТ-компанијата „Неоком“. Таа е должна во рок од 60 дена да ги испорача лаптопите, кои треба веднаш да бидат приспособени за работа и на секој од нив на декстопот да има документ со упатство за користење.

Компјутерите Собранието ги добива во период на корона-криза, кога власта и опозицијата се натегаат околу тоа дали парламентот треба да работи онлајн, откако тројца пратеници есенва беа позитивни на коронавирусот.