December 3, 2022 09:27
Свет

Службеник на ОБСЕ во Луганск осуден на 13 години затвор за велепредавство

Судот во самопрогласената Луганска Народна Република денеска изрече 13-годишна затворска казна на вработен во Мисијата на Организацијата за безбедност и соработка (ОБСЕ) во регионот.

Судскиот одбор го прогласи Дмитри Павлович Шабанов виновен за кривично дело „велепредавство”, извршено во периодот од август минатата до април оваа година. Според обвинението, тој во посочениот период како локален службеник ангажиран од ОБСЕ доставувал доверливи информации на американските служби околу распоредувањето воена техника и персонал на локалните оружени сили.

Дмитриј Шабанов бил ангажиран како помошник соработник за безбедност во истурената база на ОБСЕ во Стаханов. Тој во април годинава беше приведен од луганските власти заедно со уште еден негов колега од ОБСЕ.