December 6, 2022 21:34
Спорт

Слободен влез за натпреварите од кошаркарскиот Суперкуп

Македонската кошаркарска федерација за натпреварите од новото издание на Суперкупот „Драган Василов-Цевка” во кои ќе се сретнат најдобрите екипи од минатата натпреварувачка сезона, одлучи влезот да биде слободен.

Натпреварите ќе се играат утре (28 септември) во Спортско рекреативниот центар „Кале” во Скопје.

Предвидено е да се играат натпревари во женска и во машка конкуренција.

Во првиот натпревар, од 17 часот, ќе се сретнат актуелниот шампион, екипата на Бадел 1862 и освојувач на Купот, Баскет Кам 2011.

Натпреварот во машка конкуренција, во кој ќе играат државниот првак, екипата на МЗТ Скопје Аеродром, и освојувачот на националниот Куп, ТФТ, ќе стартува од 19:30 часот.