January 22, 2020 04:03
Магазин

Слика на Гоген продадена за 9,5 милиони евра

Сликата на францускиот пост-импресионист Пол Гоген од неговиот период кога бил инспириран од егзотичниот свет на Тахити беше продадена вчера за 9,5 милиони евра на аукција во Париз.

Сликата „Te Bourao II“, која претставува поток со птици и цвеќиња во богата палета на сина и зелена боја, е насликана во 1897 година кога Гоген живеел на Тахити.

Сликата е единствено дело на Гоген кое било во приватна сопственост и е една од серијата на девет слики кои уметникот ги нацртал додека работел на многу поголем проект подоцна насловен „Од каде доаѓаме? Кои сме? Каде одиме?“.

Роден во Париз во 1848 година, Гоген бил влијателен во симболистичкото движење како сликар, скулптор и керамичар, а станал познат по неговата смрт во 1903 година.

Неговата работа извршила влијание врз уметници како Пабло Пикасо и Анри Матис.

Нови вести

Ози Озборн потврди дека има полесен облик на Паркинсова болест

Filip

Ди Каприо и Де Ниро ќе соработуваат во новиот филм на Мартин Скорсезе

Valentina

Твитерџика со наизглед добра Фотошоп-идеја за заработка

Valentina