January 20, 2020 13:18
Балкан

СИРИЗА бара одговор од заменикот МНР за натписите во медиумите околу магистерските студии

Грчката опозициска партија СИРИЗА, повикувајќи се на натписи објавени во печатот на грчката дијаспора во САД, кои „презентираат податоци што ја доведуваат под сомнеж биографијата на заменик министерот за надворешни работи на Грција, Андонис Диаматарис”, бара тој да даде објаснувања во врска со неговите постдипломски студии, јави дописничката на МИА од Атина.

– Поконкретно, додека господинот Диаматарис на официјалниот сајт на МНР изјавува дека поседува магистерско звање од Универзитетот Колумбија, објавите во медиумите, повикувајќи се на податоци од самиот Универзитет, споменуваат дека господинот Диаматарис никогаш не завршил, туку едноставно се запишал на конкретната програма, соопштуваат од СИРИЗА.

Од грчката опозициска партија бараат заменикот МНР да даде објаснувања и да го објави магистерското звање, во спротивно, според СИРИЗА, Мицотакис, не само што треба да го смени, туку и да им се извини на граѓаните.

Заменик министерот за надворешни работи на Грција, Андонис Диаматарис, кој е надлежен за грчката дијаспора, е издавач на грчкиот весник во САД „Етникос кирикс”.

Нови вести

Јандроковиќ: Претседавањето со ЕУ е потврда за хрватската посветеност на европските вредности

Igor

Запалени автомобили во неколку атински населби во текот на ноќта

Igor

Портпаролот на грчката влада и Здружението на странски дописници го осудија нападот врз новинарот Јакоби

Igor