February 2, 2023 01:56
Македонија

Синот на Буши не го возел „мерцедесот“ со флешери, дисциплинска за тројца полицајци

МВР утврди дека синот на заменикот министер за внатрешни работи Назим Буши не го возел „мецедесот“ со флешери, како што се шпекулираше во медиумите, а тројца полицајци се на дисциплинска поради случајот, информираат од МВР.
-По извршени детални проверки од страна на Одделот за внатрешна контрола, криминалистички истраги и професионални стандарди, ја известуваме јавноста дека комплетно е расчистен случајот со нелегалното користење на т.н. флешери, за кој во јавноста беа пласирани низа шпекулации.
Од обезбедените видео снимки и други службени материјали, утврден е идентитетот на возачот  Г.К. (29), кој управувал возило кое е во сопственост на правно лице. На Г.К. во полициска станица му е изготвен записник за констатиран прекршок од Законот за безбедност во сообраќајот и поведена е прекршочна постапка против правното лице и одговорното лице. Исто така, по извршена контрола врз возилото во полициска станица, утврдено е дека се отстранети нелегално поставените флешери, велат од МВР.По детални проверки на службените материјали, како и преглед на видео материјал и фотографии, констатирано е дека на 26.11.2022 во 17.25 часот во СВР Скопје е добиена анонимна пријава дека патничко возило „мерцедес”  со скопски регистерски таблички со голема брзина и вклучени флешери се движи од Качанички пат кон Скопје, по што се известени службите на терен за да го запрат возилото.

-Но, по неколку минути, В.А., раководно лице во СВР Скопје, дал насоки да се повлече објавата односно да не се запира возилото затоа што, како што кажал, било службено, и со тоа довел во заблуда двајца полициски службеници од Центарот за известување и команда, кои без проверка ја повлекле објавата и ја запреле потрагата по возилото. Против тројцата се изготвени иницијативи за дисциплинска постапка од страна на Одделот за внатрешна контрола, криминалистички истраги и професионални стандарди, рекоа од министерството.

Поврзани вести

Регистарските таблички со ознаката МК треба да се заменат до 12 февруари 2024 година

Dragan Nikolovski

Дизелот поевтинува, цената на бензините останува иста

Igor

Ковачевски денеска имаше средба со Таравари

admin