November 12, 2019 18:08
Македонија

Се уште се прават анализи за цената на зелениот картон

Министерството за финансии, заедно со Агенцијата за супервизија на осигурувањето и осигурителната индустрија АСО), се уште ги прави анализите за корекција на цената на зелениот картон. Ова го соопшти претседателот на Советот на експерти на Агенција за супервизија на осигурувањето Климе Попоски, кој не прецизираше доколку има корекција кога би стартувала.

-Се прават анализи од страна на Министерството за финансии, осигурителната индустрија, како и Агенцијата за супервизија на осигурување со цел да видиме дали постојат некои реформски зафати во делот на одредени корекции како зелената карта. Меѓутоа, од она што сакаме да дојдеме како крајна цел, а секако тоа е ценовната либерализација на автоодговорноста, изјави Попоски одговорајќи на новинарски прашања при денешното одбележување 10 години постоење на АСО.

Промената на цената на зелениот картон ја најави премиерот Зоран Заев на партиска трибина минатиот месец. Како што рече, се работи на намалување на цената на зелениот картон за осигурување возилата.

-Сакаме да ја намалиме цената на зелениот картон, сакаме да ги поедноставиме патарините, што се плаќаат за патишта, сакаме да ја рационализираме и поедноставиме регистрацијата на возилата и со тоа да им заштедиме на граѓаните од трошоците, да им вратиме пари назад на граѓаните, рече Заев на граѓанската трибина „На прав пат” во Куманово минатиот месец.

Во земјава сега возачите имаат можност да извадат зелен картон заедно со регистрацијата на возилата со важност од една година и со едномесечна важност.

Центата на едномесечниот кзелен картопн е 30 евра за возила до 66 КW и 60 евра за над 66 КW. Цената на годишниот зелен картон е 3690 денари, односно 5.536 денари.

Нови вести

Филипче: На почетокот на идната година нова опрема за болниците, предвидени се и нови вработувања

Filip

Ископан гроб во дворот на селската црква во Тработивиште предизвика револт помеѓу мештаните

Filip

Смилевски: Пред фактите и Боговите молчат, ама и душманите спобудалуваат. А, во меѓувреме јас ќе продолжам да работам за ИДНИНАТА НА БУТЕЛ со факти!

Igor