October 27, 2020 07:19
Македонија

СДСМ: Го осудуваме нападот врз Палевски, институциите да го расветлат случајот

СДСМ остро го осудува физичкиот напад врз Љупчо Палевски од движењето Трета.

„Во модерно, демократско општество, недозволиво е какво било насилство врз кој било поединец. Очекуваме надлежните институции брзо да го расветлат случајот, да ги пронајдат сторителите и тие да бидат соодветно санкционирани.

Времето на неказнивост на насилството одамна заврши, сега е време на одговорност и секој што сторил насилство ќе се соочи со законите и правдата“, се вели во соопштението.