February 23, 2019 08:27
Македонија

СДСМ: Време е пратениците да ги поддржат процесите во Собранието

Граѓаните го кажаа својот став. Осумдесет отсто од сите граѓани и над 90 отсто од оние кои гласаа на реферндумот, јасно кажаа дека се за иднина во ЕУ и НАТО, вели Социјалдемократскиот сојуз преку соопштение испратено до јавноста.

„Процесот продолжува понатаму, сега е време пратениците да ја оправдаат довербата која им е дадена токму од граѓаните и одговорноста да ја испочитуваат нивната волја, да ги поддржат процесите во Собранието и уставните измени да бидат усвоени“, наведе СДСМ во соопштението.

Од владејачката партија го повторија ставот дека со предлог измените се потврдува оти идентитетот, јазикот и македонската посебност се загарантирани и трајно заштитени. Со уставните измени не се губи ништо, туку напротив, се обезбедува иднина во ЕУ и НАТО со зајакнат македонски идентитет кој конечно станува признаен од целиот свет.

Време е сите пратеници кои се за НАТО и ЕУ вклучително и пратениците од ВМРО-ДПМНЕ, порачува Социјалдемократскиот сојуз, да не подлегнуваат на притисоци и да гласаат по сопствено убедување, водејќи се и од одговорноста на пратеници избрани од граѓаните да ја испочитуваат мнозинската волја на граѓаните, кои се за влез во ЕУ и НАТО со заштитен и загарнтиран македонски идентитет.

Related posts

Заев: Со празнувањето на Денот на албанската азбука го славиме зближувањето на различните културни традиции

Valentina

Апелација ја укина пресудата за Ѓоко Поповски, случајот вратен на повторно судење

Ivona

Заев повика на помирување за настаните од 27 април

24news