February 24, 2019 04:49
Македонија

СДСМ:ВМРО-ДПМНЕ и Мицкоски нека се подготват за пораз на какви било избори

За ВМРО-ДПМНЕ и Христијан Мицкоски влезот во НАТО и интеграцијата во ЕУ било обесчестување и обезличување на државата. Не. Антизападните ВМРО-ДПМНЕ и Мицкоски не можат да се помират со историскиот успех на Македонија, се вели во реакцијата на СДСМ.

Според партијата, по години изолација, уназадување и поделби, Македонија денес е горда исправена, рамноправна со целиот демократски свет.

,,Потпишан е протоколот за пристапување во НАТО, отворен е патот за почеток на преговори со ЕУ, обезбедена е сигурна и безбедна иднина за државата и нејзините граѓани.Наспроти лагите на ВМРО-ДПМНЕ, согласно уставните измени и усвојувањето на протоколот за пристапување во НАТО од страна на Грција, започната е реализацијата на точките од договорот од Преспа и новото уставно име на државата кое ќе биде Република Северна Македонија.Наместо празни обиди за да го девалвираат историскиот успех, ВМРО-ДПМНЕ и Мицкоски нека се подготват за пораз на какви било избори”, се додава во соопштението.

Related posts

Илјадници евра скапуваат на планините на Македонија

Valentina

Едно лице повредено во сообраќајката во Автокоманда

Valentina

Патот Приштина – Скопје денеска и утре затворен за сообраќај

24news