November 29, 2020 21:47
Свет

Санчез: Шпанија ќе започне со програма за вакцинација против коронавирусот во јануари

Шпанија ќе започне со сеопфатна програма за вакцинација против коронавирусот во јануари, најави денеска премиерот Педро Санчез.

Тој рече дека Шпанија и Германија се првите земји на Европската унија што подготвиле целосен план за вакцинација.

– Кампањата ќе започне во јануари и ќе има 13.000 точки за вакцинација, рече Санчез на прес-конференција по самитот на лидерите на Г-20.

Тој додаде дека Шпанија ќе ангажира повеќе здравствени работници за зајакнување на нејзиниот здравствен систем.

– Ни претстојат неколку тешки месеци, но планот е направен, рече Санцез.