February 24, 2019 04:38
Свет

Салвини: Залатото од Банката на Италија му припаѓа на народот

Златните резерви во централната Банка на Италија се во сопственост на народот, а не на некој друг, изјави денеска италијанскиот вицепремиер и министер за внатрешни работи, Матео Салвини.

Според Салвини, владата во Рим треба да ја преземе контролата врз резервите на злато од централната Банка на Италија, пишува „Фајненшл тајмс“.

Неговиот коментар доаѓа кога тој повика на заминување на раководството на централната банка, кое, како што тврди, не успеало да ја спречи банкарската криза во земјата.

Претходно, италијанскиот весник „Стампа“ објави дека владата размислува за продажба на златните резерви за да го избегне планирано зголемување на данокот на додадена вредност в година. Салвини позитивно го оцени таквиот план велејќи дека тоа би можело да биде интересна идеја.

Претходно, Салвини, кој е лидер на партијата Лига, и неговиот коалициски партнер, Луиџи ди Мајо, повикаа на промена во сегашната администрација во централната банка, која ги контролира златните и девизните резерви.

Владата го обвини актуелното раководство на банката дека не успеало да одржи соодветен надзор над банкарскиот систем на земјата.

Related posts

Маж и жена пронајдени без свест во близина на местото каде што беше отруен Скрипал

24info

Трамп: Единствен проблем на американската економија е Централната банка

Ivona

Макрон против враќањето на данокот на богатство

Ivona