October 15, 2019 11:31
Свет

САД ја опоменаа СДА да му се врати на Дејтонскиот договор

Амбасадата на САД во БиХ се огласи  по усвојувањето на новата програмска декларација на босанската Партија за демократска акција (СДА) на Бакир Изетбеговиќ, порачувајќи дека се загрижени поради изнесените политички ставови во декларацијата, за кои велат дека не помагаат и не влијаат за решавање на секојдненвните проблеми на граѓаните, туку дополнително поттикнуваат политички тензии, пренесува порталот Кликс.ба.

Станува збор за ставот на СДА дека долгорочната политичка цел на таа партија е измена на Уставот и создавање Република БиХ, што е сепак опишано како цел за која мора да постои консензус.

„Таквата реторика го забавува напредокот на БиХ кон евроатланските интеграции и членството на БиХ во ЕУ, ја поткопува стабилноста и ги плаши инвеститорите, што пак ги уништува работните места и го забрзува егзодусот на граѓаните,“ наведуваат од амбасадата и нагласуваат дека ставот на САД е јасен и непроменет.

„Целосно ја подржуваме БиХ, нејзиниот територијален интегритет и нејзината темелна структура како единствена држава, суверена со два ентитета и три конститутивни народи. Секоја промена на внатрешната организација на БиХ мора да се усвои во согласност со постапките утврдени со Уставот, за што е потребна широка поддршка во политичкиот спектар на БиХ, вклучувајќи ги сите конститутивни народи“, истакнато е во реакцијата од амбасадата.

На крај, од амбасадата на САД порачуваат дека територијалниот интегритет и суверентитет на БиХ е загарантиран со Дејтонскиот договор.

„Ни Дејтон ни Уставот не му нудат на ниеден ентитет право на отцепување. Постоењето на секој ентитет во потполност зависи од постоењето на БиХ“, велат во пораката од амбасадата.

Нови вести

Трамп: 1.000 американски војници остануваат на Блискиот Исток

zane

Жена загина при експлозија која урна зграда во Русија

zane

Австриската СПО е во големи долгови по поразот на изборите

Valentina