December 1, 2021 14:12
Спорт

Рутински против Мотор, трета победа за Вардар сезонава во СЕХА

Ракометарите на Вардар вечерва го совладаа тимот на Мотор од Запорожје, Украина со 32:27 во 5. коло од регионалната СЕХА-лига.

Црвено-црните ја имаа контролата на резултатот во текот на целиот натпревар одигран во СЦ „Јане Сандански”. Највисокото водство на вардарци изнесуваше седум голови разлика (31:24).

Најефикасен во победничкиот состав беше Анте Гаџа со осум погодоци, Тимур Дибиров и Гоце Георгиевски постигнаа по шест.

Мотор е лидер во Б-групата со три победи и еден пораз, Нексе и Вардар имаат по три победи и два загубени натпревара, Војводина е последна со четири загубени меча.