August 19, 2022 12:26
Македонија

Русковска: Не можам да ја потврдам автентичноста на снимката, прашајте го Камчев за тоа

Шефицата на Основното јавно обвинителство за гонење организиран криминал и корупција (ОЈОГОКК), Вилма Русковска, во изјава за ТВ Алсат вели дека не може да ја потврди автентичноста на аудио снимката што вчера протече на социјалните мрежи, а на која се претпоставува дека таа разговара со уште едно лице, чиј глас е обработен.

Во снимката се споменува името Владимир Атанасовски што се совпаѓа со поранешниот директор на УБК, првостепено осуден на казна затвор од 6 години за организација на настаните од 27 април, а кој, како што се слуша во разговорот, бил ,,заборавен” во притвор два месеца.

„Нема шанса некој да биде ‘заборавен’ во притвор, затоа постојат заштитни механизми. Ако сум рекла ‘заборавен’, тоа е фигуративно кажано. Не знам дали снимката е автентична. Мислам дека е дел од снимките што Јордан Камчев ги достави за предметот ‘Рекет’. Најдобро е Камчев да го прашате за автентичноста. Не знам кој е објавувачот, изјави Русковска за ТВ Алсат.
Инаку, Орце Камчев е еден од обвинетите што постигнаа спогодба за случајот ,,Империја” со ОЈОГОКК со кое раководи Русковска. Конкретно Камчев – да плати 5 милиони евра и да одлежи една година затвор.

Аудио-снимката е објавена на Твитер и трае околу минута и половина. Непознатото лице прашува како е можно и по шест месеци да не се знае што е суштината на делото во случајот Империја. Во продолжение ви пренесуваме транскрипт од разговорот:

– Непознато лице: Ти си обвинителка, дали е можно 6 месеци да не знаеме што е предметот? Никој не знае.

– Обвинителка: Не. Може.

– Непознато лице: Како може?

– Обвинителка: Може. Го држев два месеци и го заборавив. Го заборавив, буквално. Не. Го заборавив, намерно. Владимир Атанасовски, го ставив во притвор и го заборавив два месеци.

– Непознато лице: Тоа е шефот на УБК.

– Русковска: Го ставив во притвор и го заборавив.

Сниката е објавена на Твитер налогот „Правда за сите во Македонија“. Инаку, екс- директорот на УБК, Владимир Атанасовски, беше осуден за случаувањата на 27 април. Претходно, притворот му беше неколкупати продолжуван.

Поврзани вести

Дизелот поскапува за два денари, цената на бензините останува иста

Igor

Со манипулации неосновано се обвинува за бугаризација, a „славењето победа” на бугарските историчари е лажен триумфализам

Igor

Осум починати, 491 нови случаи на Ковид-19

Igor