July 17, 2019 13:06
Свет

Русија развива крстосувачка ракета со дострел од над 4.500 километри

Русија работи на развој на крстосувачка ракета за потребите на својата Воена морнарица, што би имала дострел од над 4.500 километри и би можела да носи конвенционална или нуклеарна боева глава тешка до еден тон, соопшти извор од рускиот воено-индустриски комплекс.

– За потребите на руската Воена морнарица се развива најнова крстосувачка ракета со голема прецизност, што би се истрелувала од (бродскиот лансирен систем) „Калибр-М”, со максимален дострел поголем од 4.500 километри. Изработката на ракетата е во фаза на научно истражување, финансирано од Министерството за одбрана, изјави истиот извор, кој побарал анонимност.

Според него, развојот на оваа ракета е вклучен во државната програма за вооружување до 2027 година и таа ќе стане оперативна пред крајот на оваа програма.

Новата ракета ќе биде со поголеми димензии и ќе има поголем дострел од проектилите што се лансираат од системот „Калибр-М” и со неа ќе бидат вооружени бродови со големина на фрегата и нуклеарни подморници.

Максималниот дострел на ракетите што сега се лансираат од системот „Калибр-М” и летаат со брзина помала од брзината на звукот, е околи 2.000 километри.

Нови вести

Француската војска и полицијата сè посилно ја поддржуваат десничарката Марин ле Пен

zane

Руси паднаа од прозорец за време на секс, жената почина, а мажот преживеа и се врати на забавата

zane

Лидерите на 35 земји го потврдиле учеството на самитот Русија-Африка

zane