November 18, 2019 23:41
Магазин

Роби Вилијамс призна дека сакал да се самоубие

Пејачот Роби Вилијамс призна дека размислувал за самоубиство. Иако уживал во моментите на слава, пејачот имал и лоши моменти во периодот кога беше дел од групата „Take that“.

Говорејќи за деновите на најголема слава со „Take that“, 45-годишниот пејач призна дека чудната куќа во која живеел во комбинација со опијатите кои ги земал за малку ќе го чинеле живот.

Тој слушал гласови и чекори и поради тоа, како што признал, мислел дека ќе полуди.

„Веднаш ми беше чудна, темна и со некаква енергија“, рекол Роби за куќата во Примроус Хилс во која живеел со поранешната девојка.

„Тогаш земав многу кокаин. Во куќата слушав чекори како се качуваат по скалите нагоре. Поранешната девојка мислеше дека тоа е дедо ѝ. Влегував во автомобил и ‘тоа’ влегуваше со мене на задното седиште. По два месеца повеќе не можев да го поднесам и да се справам со тоа, сакав да се убијам“, рекол Роби.

Тој додал дека еден ден се разбудил и видел темна магла. Тоа било капката што ја прелила чашата. Роби заминал во хотел, а подоцна дознал дека куќата била изградена на гробишта.

Неговата сопруга, Ајда Филд, пред неколку години потврди дека Роби во времето кога ја доживеал најголемата слава со „Take that“ размислувал за самоубиство.

„Имало период во неговиот живот кога мислел дека повеќе не може да постои“, рекла таа.

Нови вести

Бени Шаќири не стана директор на МКЦ: На следниот конкурс повторно ќе си конкурирам!

Filip

Југo на списокот со најлоши имиња на бебиња во Велика Британија за 2019 година

zane

Најновата генерација на IQOS  уредот претставен на  спектакуларна забава

Igor