February 19, 2020 18:21
Спорт

Рамос има намера да одигра 200 натпревари за репрезентацијата на Шпанија

Дефанзивецот на Шпанија, Серхио Рамос, по победата над Фарски Острови (4:0) во квалификацискиот натпревар за ЕУРО 2020, соопшти дека има намера да стигне до 200 одиграни натпревари за националниот тим.

– Мојата цел е да достигнам 200 натпревари. Никогаш не изгледате толку далеку, затоа што во фудбалот се случуваат многу работи. Најпрво сонував да дојдам во репрезентацијата, потоа се редеа настапите. Имам многу години во фудбалот. Ги одржувам своите амбиции, се грижам за себе и можам се уште многу да направам, изјави Рамос.

Тој вчеравечер по 167. пат играше за „црвената фурија” и се изедначи по бројот на репрезентативни натпревари со Икер Касиљас. Сега на Рамос му недостигаат девет натпревари за да дојде до европскиот рекорд на Џиџи Буфон, а за изедначување на светскиот рекордер по бројотна настапи за националниот тим, Египјанецот Ахмед Хасан му требаат 17 натпревари.