December 4, 2022 19:36
Македонија

Радев: Патот на Македонија кон ЕУ минува низ признавањето на македонските Бугари и културно-историското наследство

Шефовите на држави во Македонија и општеството мора да разберат дека патот кон Европската Унија минува низ признавањето и почитувањето на македонските Бугари и нашето културно-историско наследство. Тоа е единствениот начин. Ова го изјави бугарскиот претседател Румен Радев по повод нападот врз бугарскиот културен клуб „Цар Борис Трети“ во Охрид.

Министерството за надворешни работи на Бугарија го осуди инцидентот во кој беше употребено огнено оружје и ја повика македонската амбасадорка во Софија за да ѝ врачи протестна нота.

Од бугарското МНР информираа и дека за вчерашните случувања известен е Брисел.

Ова е трет напад врз клубот Цар Борис III за помалку од два месеци. Претходниот напад беше извршен пред само два дена, за што Министерството за надворешни работи испрати вербална нота до амбасадата на Северна Македонија во Софија.