February 3, 2023 11:10
Балкан

Радев го предава третиот мандат по Нова година за да има можни избори во март

Бугарскиот претседател Румен Радев по Нова година ќе го предаде третиот мандат за да има можни избори во март, најави тој на крајот од консултациите со „Демократска Бугарија“, пренесува актуелно.бг.

„Затоа што има повици од разни кругови веднаш да се предадат мандатите. По изборите се водам од две главни цели: да се направи максимум за да има редовна влада, да се даде време за дијалог, да се даде време на партиите да да се тргне од агресивната предизборна реторика и да се донесат важни закони.

Втората важна цел е да се темпираат консултациите и испораката на мандатите за ако имаме неуспех и не се формира влада, предвремените избори не се во најтешкиот период јануари и февруари. За ова е потребно одложување, прецизира Радев.

Тој нагласил дека нема да закаже избори во јануари и февруари.

„Ризикот од уште помал одѕив на гласачите во оваа ситуација е реален“, коментира Радев.