October 15, 2019 23:44
Свет

Путин, Ердоган и Рохани: Да се формира одбор за изработка на нов Устав во Сирија

Лидерите на Турција, Русија и Иран, Реџеп Таип Ердоган, Владимир Путин и Хасан Рохани се согласија на состанокот во Анкара да биде формиран одбор за изработка на нов Устав во Сирија, како дел од политичкото решение за завршување на граѓанската војна во таа земја.

Ердоган, по трилатералната средба изјави дека се надминати последните препреки за формирање одбор. Путин пак рекол дека сите страни се согласиле за тоа во одборот да бидат провладини, опозициски и независни претставници, со што ќе се отвори пат за брзи разговори во Женева.

Рохани изрази надеж дека во Сирија ќе бидат одржани избори во 2020 или 2021 година.

Лидерите се договорија за деескалација на нестабилната ситуација во Идлиб, последното упориште на бунтовниците во Сирија, како и за борбата против екстремистите и заштита на цивилното население.

Нови вести

Лекари без граници се повлекуваат од Сирија

Igor

ЕУ: Ирското Море ќе биде граница после Брегзит

Igor

Протест на Каталонците во Брисел, протестираше и Пучдемон

Igor