February 23, 2019 08:33
Балкан

Припадници на грчката полиција вечерва се судирја со група анархисти во атинската населба Ексархија

Припадници на грчката полиција вечерва се судирја со група анархисти во атинската населба Ексархија, каде пред 10 години беше убиен младиот Алексис Григоропулос.

Како што јави дописничката на МИА од Атина, анархистите кон полицијата фрлија дестина молотови коктели и друга пиротехника, на што полицајците одговорија со солзавец.

Анархистите поставија блокада на улицата од запалени контејнери со смет, со цел да го спречат пристапот на полицијата, а опожарен е и најмалку еден автомобил.

На местото на немирите пристигнаа и полициски водени топови, но засега тие не интервенираа.

Пред вечерашните немири во Ексархија, која важи за собиралиште на анархистите, доцна попладенво мирни протести по повод 10-годишнината од убиството на Григоропулос се одржаа во центарот на Атина.

Претежно млади лица, членови на студентски, левичарски и анархистички организации и здруженија организраа протестен марш кој заврши пред грчкиот Парламент.

Дел од слоганите што ги извикуваа учесниците на протестот беа  против полицијата и полициското насилство.

Related posts

Грчкиот владин портпарол вели дека има надеж годинава да се реши 25-годишниот спор за името

24info

Таксата од 100 проценти доминантна тема на состанокот на Косово со големата петорка

Igor

Коцијанчиќ: Косово да ги повлече таксите, тие се провокативни и навредливи

Filip