July 17, 2019 12:57
Свет

Приведен осомничениот за хакерски напад на германски политичари

Германските власти денеска објавија дека притворен е осомничениот за хакерскиот напад кој резултираше со објавување информации за стотици политичари и познати личности на интернет, пренесе агенцијата АП.

Се наведува дека Канцеларијата на федералната криминалистичка полиција објавила дека бил пребаран стан на осомничен 20-годишник од провинцијата Хесен во централниот дел на Германија. Засега не се соопштуваат повеќе детали, но за подоцна во текот на денот најавена е прес-конференција.

АП потсетува дека речиси 1 000 луѓе беа погодени од ова истекување на податоци и дека во повеќето случаи нападот се сведувал на објавување основни информации за тоа како да се контактираат тие луѓе, но и дека во околу 60 случаи биле откриени подетални лични податоци.

Агенцијата информира дека, според истрагата, биле објавени податоци на пратеници од сите партии во Бундестагот, освен на ултрадесничарската Алтернатива за Германија (АФД).

Нови вести

Француската војска и полицијата сè посилно ја поддржуваат десничарката Марин ле Пен

zane

Руси паднаа од прозорец за време на секс, жената почина, а мажот преживеа и се врати на забавата

zane

Лидерите на 35 земји го потврдиле учеството на самитот Русија-Африка

zane