June 21, 2021 19:22
Хроника

Преку фантом фирми од Македонија вршени компјутерски измами тешки 30 милиони евра

Секторот за компјутерски криминал и дигитална форензика при Бирото за јавна безбедност, во соработка со Европол и Еуроџаст учествуваше во меѓународна истрага, предводена од полициските служби во Германија, а со координирани активности помеѓу полициски служби од Германија, Бугарија, Израел, Латвија, Полска, Шпанија и Шведска.

Криминалните активности се вршеле во повеќе држави во Европа, а се повразни со вршење на измами во вкупна вредност од 30 милиони евра со злоупотреба на онлајн-трејдинг платформи, криптовалути и перење пари , привлекувајќи ги жртвите преку реклами на социјалните медиуми.

Шемата за измама, била организирана главно од израелски државјани, вклучувала центри за повици од Бугарија и Република Северна Македонија, а осомничените ги переле нелегалните профити преку банкарски сметки контролирани од компании со седиште во различни земји на ЕУ.
Во текот на истрагата од страна на Секторот за компјутерски криминал и дигитална форензика беа преземени мерки и активности со цел идентификација на лица од Република Северна Македонија, кои се дел од криминалните активности и обезбедување на докази.

Во рамки на истрагата лишени од слобода се 11 лица (пет во Бугарија и едно во Израел на денот на акцијата и шест лица претходно во Шпанија), извршени се претреси во Бугарија, Израел, Полска, Северна Македонија и Шведска и запленети се бројни електронски уреди и возила, а банкарските сметки се замрзнати.

Во координација со Основно Јавно обвинителство за гонење на организиран криминал и корупција, Секторот за компјутерски криминал и дигитална форензика – Одделение за истраги за компјутерски криминал, како дел од меѓународната координирана активност на 11.05.2021 во 06.00 часот изврши претрес, по добиена судска наредба, во дом и деловни простории на А.А.(34) од с.Чегране,гостиварско, при што биле одземени предмети кои се поврзани со вршењето на криминалните активности, а лицето е обезбедено.

Исто така, од страна на Секторот за компјутерски криминал и дигитална форензика – Одделение за истраги за компјутерски криминал, со судски наредби, извршени се претреси на деловни простории на правни лица во Скопје, при што било констатирано дека адресите кои се пријавени во Централен регистар на Република Северна Македонија се лажни и не постојат.

Поврзани вести

Двајца починати и тројца новозаразени со коронавирус

Valentina

Од денеска во Грција може да се патува и со рапид тест

admin

Лопарски: Работењето како портпарол на Црвенковски ми го смени животот во друг правец

Valentina

AnimeTV gogo anime tv kissanime: Boku no Hero Academia 5th Season Episode 7

GoGoAnime gogoanime re zero: Dragon Ball (Dub) (https://gogoanime.be/m/JA4) Episode 153