September 15, 2019 08:10
Скопје

„Почувствувај го Скопје” – меѓународна конференција за туризам

Промоција на Скопје како посакувана туристичка дестинација и зголемување на бројот на странските посетители во главниот град, е целта на меѓународната конференција за туризам „Почувствувај го Скопје” („Feel Skopje”) што се одржува денеска во организација на НВО „Концепт плус”.

Основната идеја, според организаторот, е да се добијат препораки, како да се подобри промоцијата на Скопје и нашата држава во светски рамки, како подобро да се привлечат повеќе посетители и да се добие повеќе внимание и простор во странските медиуми.

Конференцијата е дел од проектот и порталот visitskopje.mk, а се промовира и новиот портал visitmacedonia.eu кој ќе има за цел да ја промовира нашата земја како посакувана туристичка дестинација.

На конференцијата се обратија фотографи, новинари и блогери од областа на туризмот од Турција, Хрватска, Швајцарија, Јапонија и Словенија.

– Јас сум патувачки фотограф и на оваа конференција ќе зборувам за добрите и лошите работи на полето на туризмот во Скопје. Втор пат сум во Скопје и во последните години градот е порелаксиран и побезбеден за туристите, нагласи Јуја Матусо, фотограф од Јапонија.

Екрем Кофтоглу, претседател на Асоцијацијата на туристички новинари и фотографи од Турција изјави дека туризмот бара целосна инфраструктура, патишта, хотели, ресторани, болници, услуги.

– Туризмот е комплексна индустрија која се сведува на услуги. Можете да имате ресторани насекаде, меѓутоа она што е битно е услугата што ја добивате, рече Кофтоглу.

Нови вести

Ученици со попреченост од средните училишта во Скопје ќе добиваат стипендии

Igor

Скопје ќе ја одбележи Европската недела на мобилност „Пешачи со нас”

Igor

Со дрон во Скопје откриен потпалувач на оган

Igor