November 19, 2019 12:22
Економија

Почна дводневниот штрајк во Луфтханза, погодени 180.000 патници

Дводневниот штрајк на германскиот кабински персонал што „Луфтханза” го најави во текот на вчерашниот ден со откажување 1.300 летови, денеска ќе опфати 700 летови, а утре 600.

Авиокомпанијата посочува дека од штрајкот ќе бидат погодени околу 180 илјади патници.

Германскиот синдикат ги повика пилотите и стјуардесите од компанијата „Луфтханза” денеска и утре да организираат штрајк, барајќи повисоки плати и подобри работни услови за околу 21.000 персонал.

„Луфтханза” побара од судот во Франкфурт да изрече забрана за штрајк на кабинскиот персонал, но Судот одлучи дека штрајкот е законски.

Откажани се голем број летови од Германија, меѓу кои и интерконтинентални од Франкфурт и Минхен.

Авиокомпаниите во сопственост на „Луфтханза” – „Свис”, „Аустриан”, „Еделвејс” и „Брисел ерлајнс” нема да бидат погодени од штрајкот.

Нови вести

Продолжен рокот за барање субвенции за млеко и несилки, почнува и аплицирањето за предадено јагне 

Igor

Бабовски: Продолжен рокот за аплицирање за субвенции за произведено и предадено млеко и за заклани несилки

Valentina

Државава спроведе 59 проценти од реформите во енергетиката, ЕЗ ја рангира на второ место

Valentina