December 9, 2018 20:50
Балкан

Портпаролот на пратеничката група на Независни Грци: Иствор од Преспа треба да помvине

Мојата позиција е цврста, а тоа е дека историскиот договор треба да помине и да се заврши. Изборот на неактивност чинеше многу скапо, вели портпаролот на пратеничката група на Независни Грци и пратеник, Танасис Папахристопулос за грчкото радио „Реал фм”.

Папахристопулос потенцира дека неговата позиција уште од пред една година, останува непроменета, тој ќе гласа за ратификација на Договорот од Преспа кога ќе дојде во грчкиот Парламент, јави дописничката на МИА од Атина.

– Мојата позиција е цврста и ништо не може да ја смени, дури и по последните изјави на Заев, кои според мене, се предизборни бидејќи сака да добие 80, две третини од пратениците. Ова е мое мислење, вели Папахристопулос.

Пратеникот од Независни Грци, во интервјуто за грчкото радио објаснува дека тој нема да биде причина да падне Владата на Ципрас.

– На денот кога ќе гласаме за Договорот од Преспа, ќе гласам „за” и ќе го отстапам моето пратеничко место, вели портпаролот на пратеничката група на Независни Грци.

Related posts

Пациент испадна од амбулантно возило и почина во Србија

24news

Покрената истрага против Тони Цетински

24news

Рама во ненајавена посета на Турција, опозицијата бара објаснување

Filip