August 25, 2019 22:29
Македонија

Порошенко: Македонија го осуети планот на Русија да и го блокира патот кон НАТО

Актуелниот украински претседател Петро Порошенко, кој од денеска е и официјално кандидат за претстојните претседателски избори, изјави дека „Русија се обиде да го блокира влезот на Република Северна Македонија во НАТО, но Македонија тоа го надмина покажувајќи единство”.

-Патот на Република Северна Македонија беше многу тежок, но земјата покажа единство и ги уништи плановите на Русија, која се обидуваше да го оневозможи тој важен чекор кон јакнење на безбедноста на Европа. И вратата на НАТО е отворена за 30-та членка, истакна Порошенко.

Протоколот меѓу Македонија и НАТО беше потпишан вчера, со што е отворен патот за членство на земјата во Алијансата.

Порошенко наведе дека процесите за пристапување во НАТО и ЕУ се меѓусебно поврзани.

Тој за тоа говореше во текот на денешната седница на Врховната рада на која се расправа за измените на Уставот со цел побрзо чекорење кон полноправно членство на Украина во ЕУ и НАТО.

Нови вести

Јанева го спремала Камчев за заштитен сведок против Мијалков во „Империја“!?

Filip

Од утре наплата на патарината кај Смоквица

Filip

Хуманитарна акција во Гостивар: Со срце дарувај, ученик израдувај

Filip