December 5, 2021 03:17
Свет

Поради глад Авганистанците си ги продаваат децата

Авганистан се соочува со голема хуманитарна криза, а едно бебе било продадено од семејството за 500 долари за да преживее, јавува Би-би-си.

Во прилогот било претставено семејство кое инсистирало на анонимност, откривајќи дека го продале бебето на неименуван маж и дека детето ќе го напушти својот дом кога ќе прооди.

„Посакувам да не морам да го правам тоа, тоа е мојата ќерка“, рекла мајката.

Нејзиниот сопруг собирал секундарни суровини, но сега останал без тој приход.

„Немаме брашно, немаме масло. Мојата ќерка не знае каква ќе биде нејзината иднина. Не знам што ќе мисли за ова еден ден. Но, морав да го сторам тоа”, рече таткото, пренесуваат медиумите во светот.

На семејството, кое има повеќе деца, анализира медиумот кој ја има сторијата, тие пари ќе им бидат доволни за да преживеат неколку месеци.

Човекот кој го купил детето дал повеќе од половина од парите однапред, а на семејството му било кажано дека кога ќе порасне девојчето ќе се омажи за неговиот син, јавува Би-би-си.