April 22, 2019 04:39
Магазин

Пожар во домот на британската актерка Џоан Колинс

Британската актерка Џоан Колинс им заблагодари на пожарникарите на брзиот одговор по пожарот што избил во нејзиниот стан во Лондон.

Осумдесет и петгодишната актерка на социјалните мрежи објави видеоснимка од опожарениот ѕид, пренесе АП.

Таа исто така напиша на својот профил на „Твитер“ дека е благодарна на пожарникарите кои го гаселе страшниот пожар. Колинс додаде и дека нејзиниот сопруг Перси Гибсон бил херој бидејќи се обидел да го изгасне огнот со апарат за гаснење пожар.

Лондонската противпожарна бригада соопшти дека пожарот го предизвикала сончева светлина која се одбила од огледало и ја разгорела текстилната ролетна.

Тие наведоа дека ваквите пожари претставуваат посебен ризик за овој период од годината.

Нови вести

Кралицата Елизабета го слави 93-от роденден

Filip

Чудо на уништениот покрив на Нотр Дам: Над 200.000 пчели ја преживеале стихијата

Igor

Адел се разведе по три години брак со бизнисменот Конецки

Igor