Хроника

Пожарникари извлекуваа повреден возач од превртено возило на патот Тетово-Јажинце

Четириесет и пет годишен жител на тетовско Рогачево беше извлекуван од страна на пожарникари од неговото возило, откако излетал и се превртел додека возел по регионалниот пат Тетово-Јажинце денеска после 12.00 часот.

Според првичните информации на тетовската полиција поради излетувањето тој се здобил и со телесни повреди, но останал контактибилен.

– Сообраќајната незгода се случила на патот Тетово-Јажинце околу пладне во атарот на село Беловиште. Поради засега неутврдени причини возилото марка „Пежо 307″ кое го управувал Б.Ј. (45) од Рогачево излетало од коловозната лента, соопшти Марјан Јосифовски од СВР Тетово.

Возачот бил сам во возилото, а по извлекувањето е однесен во тетовската клиничка болница со возило на итната медицинска помош. Увид на местото започнаа да вршат јавен обвинител и екипа на СВР Тетово.

Нови вести

Македонски државјанин баран со меѓународна потерница уапсен на Ќафасан

Filip

Уапсен Бугарин на Табановце

Filip

Сообраќајка во Прилеп со моторциклист

Filip