October 16, 2019 00:14
Скопје

Персонализираните картички „Скопска“ траеле само 4 години, патниците мора да ги заменат на свој трошок

Граѓаните кои поседуваат персонализирана картичка „Скопска“ за возење со автобусите на ЈСП ќе мора да ја заменат со нова ако ѝ е поминат рокот од четири години, на свој трошок. При тоа, на самите картички нема дата на издавање, а граѓаните важноста ќе може да ја проверат на шалтер.

„Ги информираме граѓаните, корисници на јавен превоз, сопственици на персонализирана електронска картичка „Скопска“ на која и е истечен рокот на важност, којизнесува четири години од издавањето, дека истата треба да ја заменат како би го користеле превозот. Обнова/замена на картичките може да се направи во центрите за персонализација на Транспортен центар (во автобусот), во центарот за персонализација во Карпош 2 и во Аеродром (до ТЦ Капитол), од 6 до 19.30 часот“, соопштија од ЈСП.

Од таму напоменуваат дека замената на картичките е на трошок на сопственикот на картичката.

„Во случај картичката да е истечена, а на неа да има неискористени средства, тие системски ќе бидат префрлени на новата картичка.
Заинтересираните, статусот на картичката можат да го проверат во центар за персонализација“, велат од ЈСП.

Нови вести

Граѓани од Хром од Уставниот суд ќе бараат спречување на спорниот ДУП

Igor

Урната авто-пералната среде булеварот Трета македонска бригада

Igor

Генерално чистење на Кисела Вода

Valentina