December 6, 2022 22:28
Uncategorized

Откриени 12 мигранти во близина на Неготино, приведени двајца криумчари

Дванаесет мигранти од Сирија се откриени денеска во возило со француски таблички на автопатот „Пријателство” во близина на Неготино. Приведени се две лица – Б.К. (19) од скопското село Блаце и Х.С. (28) од скопското село Грушино.

Возилото марка „бмв” било управувано од Б.К. кој на наплатната станица Демир Капија не застанал на знак за запирање. Набргу потоа возилото било запрено, но Б.К. се дал во бегство по што бил пронајден и лишен од слобода, додека, Х.С. бил лишен од слобода затоа што со возило „мерцедес” бил во улога на претходница.

Лицата се приведени во полициска станица, а по целосно документирање на случајот, во координација со Јавен обвинител, против нив ќе биде поднесена соодветна пријава.
Мигрантите, како што соопшти МВР, ќе бидат спроведени во Прифатно- транзитен центар за понатамошна постапка.