18-годишен белец уби десет и рани три лица во супермаркетот Топс во Бафало пред да им се предаде на властите кои сметаат дека злосторството е расно мотивирано.
Полицијата верува дека 18-годишникот, вооружен со автоматска пушка, дејствувал сам.
ФБИ, во меѓувреме, соопшти дека неговиот чин ќе биде истражен како злосторство од омраза и „расно мотивиран насилен екстремизам“.
Единаесет од 13-те убиени или ранети се црнци, а супермаркетот Топс се наоѓа во населба со доминантно афро-аамериканско население.
Осомничениот, чие име не го соопшти полицијата, не е од Бафало, туку до таму „возел со часови“.
Меѓутоа, американските медиуми, повикувајќи се на неофицијални полициски извори, објавија дека напаѓачот се викал Пејтон Гендрон и дека потекнува од Конклин, мал град во државата Њујорк, приближно 300 километри јужно од Бафало.
Своето злосторство го пренесувал директно на Интернет преку камера што ја поставил на кацигата. Тој беше тешко вооружен, во воена опрема и со панцир, соопшти полицијата.
So you can mass shoot inside of a grocery store and this is the outcome pic.twitter.com/a9Kiy6uyus
— #WashedChronicles (@_jmoye) May 14, 2022
Кога полицијата го опколила во лобито на супермаркетот, тој прво си ставил пиштол на вратот, но полицајците сепак го убедиле да го фрли оружјето и да се предаде, изјави на прес-конференција началникот на полицијата Џозеф Грамаглиа.
Како што пренесуваат американските медиуми, тој убил четири лица на паркингот, а потоа се судрил со обезбедувањето на супермаркет кој во размена на оган го погодил со куршум, но напаѓачот бил заштитен со панцир. Чуварот подоцна бил смртно застрелан. Останатите жртви ги убил во супермаркет.
A clip from the live stream on Twitch that is claiming to have been a live stream video of the mass shooting at the Tops Market in #Buffalo, #NewYork. The video is NOT graphic, it shows the moments before the shooting begins. pic.twitter.com/KrlgYgdaFY
— Ice Analytics (@ice_analytics) May 14, 2022