August 19, 2019 10:35
Свет

Од труење со нелегален алкохол умреа 79 лица во Индија

Бројот на жртвите во северна Индија се искачи на 79 по консумацијата на нелегално направени алкохолни пијалаци, соопшти денеска индиската полиција.

Официјален полициски претставник во државата Утар Прадеш, изјави дека 49 лица загинале во два одделни инциденти во таа земја, а починале и 30 луѓе кои консумирале токсично пиво во соседната држава Утарханд, објави агенцијата АП.

Аутопсијата покажала дека алкохолот што го консумирале жртвите, содржел метанол – хемикалија која го напаѓа централниот нервен систем.

Портпаролот на владата на Утар Прадеш соопшти дека од 9 февруари уапсени се повеќе од 3.000 луѓе во борбата против нелегално направени алкохолни пијалоци.

Смртноста поради консумацијата на ваквите пијалаци во Индија се зголемува, бидејќи сиромашните не можат да си дозволат познати брендови, а илегалните пијалаци често содржат хемикалии како пестициди.

Нови вести

Макрон денеска во летната резиденција во Брегансон на средба со Путин

zane

ОН: Во светот во моментот има дури 70 милиони бегалци, што е рекорд по Втората светска војна

zane

Австрија и Словенија почнуваат дијалог за заедничката историја

zane