December 13, 2019 09:13
Македонија

Обвинителот Рустеми пристигна на сведочење во ОЈО

Обвинителот Бурим Рустеми од Специјалното јавно обвинителство пристигна во Обвинителството за организиран криминал, каде треба да даде исказ за случајот „Рекет”.

Рустеми беше повикан да сведочи во ЈО вчера, но неговото сослушување беше одложено поради рочиштето за предметот „ТНТ”, каде тој го застапува обвинението.

Во Обвинителството за организиран криминал од почетокот на неделава искази за случајот „Рекет” дадоа специјалните обвинителки Лиле Стефанова и Елизабета Јосифовска, а во вторник на распит е повикана и шефицата на СЈО, Катица Канева.

Стефанова и Јанева беа спомнати во снимените разговори и видеата што ги објави интернет изданието на италијанскиот весник „Ла Верита” во врска со случаите „Рекет” и „Империја”.

Истрагата за „Рекет” во Јавното обвинителство ја води шефицата на организиран криминал Вилма Рускоска.

Засега единствените осомничени за случајот „Рекет” Бојан Јовановски и Зоран Милески остануваат во притвор. Обвинителството двајцата ги товари за кривично дело „примање награда за противзаконито влијание”, а првоосомничениот Јовановски и за  „перење пари и други приноси од казниво дело”.

Нови вести

Исправиме децениска неправда, 12.000 стечајци добиваат по 8.200 денари до пензионирање, секој е важен

Igor

ФРОДЕМ: Фантазмогории и небулози на Академиците од нашето соседство

Igor

ВМРО-ДПМНЕ: Расипништвото на Заев и Ангеловска ги чини граѓаните 914 милиони евра за три години

Igor