July 21, 2019 02:46
Хроника

Обвинение за насилникот кој од малолетник купил 15-годишно девојче за да го ожени

Надлежен обвинител од Основното јавно обвинителство за гонење на организиран криминал и корупција до Основниот кривичен суд Скопје достави обвинение против едно лице осомничено за сторено кривично дело трговија со дете од член 418-г став 1 во врска со став 22 , информираат од Јавното Обвинителство.

Според Обвинителството, до Советот за деца при Основниот кривичен суд Скопје е поднесен предлог за примена на санкција спрема деца во судир со законот над 16 години за истото кривично дело.

Обвинетиот, македонски државјанин, во април годинава со намера да се ожени, ја купил петнаесетгодишната жртва за 1.600 евра од нејзиниот малолетен роднина, иако ја знаел возраста на девојчето. Малолетникот ја подвел својата петнаесетгодишна роднина на претходно договорен присилен брак, со измама ја земал и ја однел на договореното место. Осомничениот ја исплатил побараната сума и употребувајќи физичка сила, психолошко насилство и обид за обљуба го повел со себе девојчето кое пружало отпор. Жртвата искористила прилика и во погоден момент избегала и се јавила на своите родители.

Заедно со обвинението, надлежниот јавен обвинител до судот достави и предлог за продолжување на претходно определената мерка притвор за обвинениот.

Нови вести

(ФОТО): Тепал куче со вила па го запалил со безин во Стојаково

Igor

Син го пронашол мртвиот татко во бунар

Valentina

Велешанец со ментални проблеми нападнал полицаец

Valentina