April 21, 2021 01:27
Свет

Нов Зеланд го укина карантинот во Окланд

Нов Зеланд денес објави крај на карантинот во најголемиот град Окланд, а властите сметаат дека изворот на зараза е ограничен.

Премиерката Џасинда Ардерн објави дека карантинот ќе биде укинат во недела, една недела по стапувањето на сила.

Мерката, која опфати околу 1,7 милион жители, беше донесена по еден случај на зараза од необјаснето потекло, но властите подоцна открија дека членовите на семејството на заразеното лице не ја почитуваат изолацијата и продолжиле да се гледаат со пријатели, кои исто така беа позитивни.

Потеклото на овој случај сега е познато, а епидемијата е ограничена на 15 случаи, така што жителите на Окланд можат повторно да излезат.

„Тој план е во согласност со нашата претпазлива стратегија“, изјави Арден пред новинарите.

Нов Зеланд, земја со пет милиони жители, има регистрирано само 26 смртни случаи од коронавирус.

Премиерката призна дека жителите на Окланд, кои биле во карантин од февруари, биле уморни, но ги замолила да ги следат правилата за спречување на секое ширење на вирусот.

Иако карантинот во Окланд завршува во недела, бројот на лица на собирите ќе биде ограничен на 100, а носењето маски е задолжително во јавниот превоз. Во остатокот од земјата, ограничувањата се минимални.

GoGoAnime gogoanime online: Watch Attack on Titan Episode 11

AnimeTV demon slayer anime tv: Watch Tokyo Ghoul Episode 12 (https://animetv.cc/m/Eyl/ep-12)