December 7, 2021 04:22
Македонија

Николоски: Честито 11-ти Октомври, тоа е ден кога македонскиот народ се става на страна на прогресивните народи во борба против фашизмот

Би сакал да го честитам денешниот празник, 11-ти Октомври навистина еден голем празник, македонскиот народ ја отпочнал борбата за конечно воспоставување на сопствена држава, празник којшто за жал според активностите на оваа власт е оспоруван, не директно туку индиректно, прифаќајќи ги начелата на она кои се основни барања од страна на Република Бугарија, мислам дека на некој начин се оспорува и празникот, кој што многу говори за односот на актуелната власт кон Народноослободителната борба, вели во својата честитка Александар Николоски, потпретседателот на ВМРО-ДПМНЕ.

-Сметам дека треба да се цени празникот затоа што македонскиот народ се стави на страна на прогресивните народи и се крена против фашизмот, во услови кога темни години надвиснуваа над Европа, се бореше против фашизмот и се избори и против фашизмот и да добие сопствена македонска држава. Ова е празник  кој треба да го славиме со пиетет.