April 15, 2021 09:21
Македонија

Николовски: Ќе се формираат 23 истражни центри за јавните обвинителства во борбата против корупција

„Ние имаме само четири истражни центри кои не се целосни, не се екипирани, не се доопремени, но имаме само четири, а нам ни требаат 23, исто и обвинители ни требаат. Она на кое ќе се фокусираме, во рок од 30 дена да имаме информација за потребата од опрема од кадар, Министерството за правда и и Јавното Обвинителство ќе го подготват тоа, да не известат, сето она што е потребно да го обезбедиме, со цел да пристапиме кон решавање на овој проблем, за брзо ефикасно и стручлно разрешување на предметите, за да немаме предмети во фиока, да ги поврземе институциите, но клучно е да ги екипираме истражните центри кои ќе бидат поткрепа на јавните обвинителства. Да се обезбедат финансиски средства за целиот овој процес ќе ни биде приоритет.“- објасни Љупчо Николовски, вицепремиер за борба против корупција, во „Топ тема“ на Телма.

Според него, после три децении, некој кончено ќе ги дигитализира обвинителствата и ќе ги поврзе во систем со други истражни институции.

„Сега имаме решителност и одлучност да имаме истражни центри кои ќе бидат независни и професионални, за да немаме заглавени предмети, предмети со кои се избегнува правдата, а на крајот, граѓаните го очекуваат тоа од нас, дополни Николовски.