January 23, 2020 04:12
Македонија

Нелоски: Долгот кој Заев им го остава на граѓаните е над 910 милиони евра

Интегрален текст од прес конференција на Владимир Нелоски, член на ИК на ВМРО-ДПМНЕ

„Во исто време кога СДСМ троши илјадници евра, а можеби и стотина илјади евра на медиумите за партиско рекламирање, истите тие се задолжуваат за само еден ден со нови 300 милиони евра на грбот на граѓаните и на грбот на идните поколенија и нашите деца.

Со вчерашното задолжување, долгот кој Заев им го остава на граѓаните е над 910 милиони евра нето.

За само 31 месец Заев ја задолжи државата за 910 милиони евра, а притоа не направи ништо. Нема проекти нема инвестиции. Има само криминални тендери и партиски вработувања.

За цели 10 месеци од оваа година Зоран Заев успеа да реализира само 40% од предвидените капитални инвестиции, а да не правеше ребаланс со кој се скрати од парите наменети за развојни проекти истите ќе беа 36%.

Ова е очајно. Не можат да го исполнат ниту она што самите на почетокот на годината си го поставиле во план за реализација. Но затоа немаат проблем кога треба да се задолжат и да земат нови милиони евра кои ќе можат да ги делат на криминални тендери.

Ситуацијата е алармантна, плановите за задолжување и економската политика на СДСМ се катастрофални.

Расипништвото мора да запре. На недомаќинското работење мора да му се стави крај. По 12-ти април следува одговорно трошење на народните пари и домаќинско управување со долгот на државата, кој го враќаат граѓаните, а не некои политичари.“

Нови вести

Потпретседателот Петров од трибината Агенда 20-24 : Потребно e сите заеднички да го создадеме македонскиот “green deal”

Filip

О2 иницијатива: Милионските суми што ги контролира екомафијата ја одложија забраната за увоз на отпад

Filip

Изгласан Законот за младински додаток: Младите до 23 години ќе добиваат по 3.000 денари за работа во производство

Filip