January 21, 2019 23:45
Македонија

На 20 јануари протест во Атина против Договорот од Преспа

Против Договорот од Преспа и „за да се спречи предавство на Македонија” т.н. „Комитет за борба за Македонија”, за следната недела, на 20. јануари закажа протест на атинскиот плоштад Синтагма, јави дописничката на МИА од Атина.

Одново формираниот „Комитет за борба за Македонија”, кој го сочинуваат четири организации од кои две се на Грците од дијаспората, преку соопштение го најавуваат протестот, велат дека Грците „не отстапуваат ниту една буква од светото име на Македонија”.

– Владата вели дека Грците се убедени за придобивките од „договорот”. Да им докажеме дека прават грешка. Упатуваме општа покана до сите Грци да дојдат на уште еден голем собир во последен момент да се спречи предавство на Македонија, во недела 20 јануари, во 14:00 часот на Синтагма. Тоа е единствениот демократски начин да не го донесат за гласање во парламентот. Но, ако се осмелат да го сторат тоа, повторно ќе бидеме таму, соопштуваат од „Комитет за борба за Македонија”.

Тие додаваат дека историјата ќе ги запише пратениците кои личниот и партискиот интерес го ставаат над татковината и демократијата.

Related posts

Синоптичарите најавуваат облилни врнежи – снег ќе ја прекрие Македонија

24news

Поднесени 42 барања за амнестија до Кривичниот суд, еден обвинет не бара

Ivona

Турци отвараат нов американски универзитет во Скопје

24news