August 14, 2022 20:15
Македонија

На фронтот во Украина се борат десетина лица од С. Македонија, потврди Пендаровски

Прво не знаеме што е вистина, а што е лага кај руската пропаганда. Јас мислам дека 90% е лага. Не станува збор во ниту еден случај за активни војници или полицајци од Северна Македонија кои заминале да се борат на фронтот во Украина. Не тврдам дека нема приватни лица кои не отишле таму, по различни канали, за некои имаме сознанија дека се отидени и дека се борат на двете страни. На државјани на Северна Македонија кои се борат или на украинска или руска страна. Се работи за десетина лица од двете страни, рече претседателот Стево Пендаровски околу информациите дали платеници од земјава се борат на украинското бојно поле.

Според претседателот, бесполезно е да се демантираат руските официјални соопштенија.

-Тоа е воена пропаганда, се работи за нивната национална кауза, мислам дека е најдобро да ги игнорираме, како во случајов кога зборуваат за припадници на македонски безбедносни сили и треба јасно и гласно да се каже дека тоа не е вистина, додаде Пендаровски.