June 25, 2022 13:03
Свет

Најмалку 260 цивили убиени во вооружен напад во Етиопија

Најмалку 260 цивили се убиени во напад на вооружени лица во западниот етиопски регион Оромија, објави „Ројтерс“, цитирајќи двајца локални жители.

Еден жител, кој вели дека учествувал во закопувањето на телата во масовни гробници, рекол дека се убиени 260 цивили, додека друг посочил дека загинале 320 лица.

Регионалниот портпарол на Оромија, Хаилу Адуња и портпаролот на етиопската армија, полковник Гетнет Адана, не одговориле на барањето за коментар, наведува британската агенција.

Претходно, премиерот Аби Ахмед ги осуди, како што рече, ужасните дела во Оромија, но без да прецизира детали.

„Нападите врз невини цивили и уништувањето на средствата за живот од нелегални и нерегуларни сили се неприфатливи“, напиша Ахмед на „Твитер“.

Етиопија се соочува со најлошата суша во последните 40 години, поради што во потенцијална животна опасност се околу 30 милиони луѓе.

Конфликтот што избувна меѓу етиопската влада и воените сили во северниот регион Тиграј на 4 ноември 2020 година, доведе до вистински хаос во земјата.

Борбите во Тиграј започнаа кога премиерот Аби Ахмед, добитник на Нобеловата награда за мир, нареди напад откако силите лојални на државната TPLF нападнаа армиска база на сојузната војска.

Конфликтот подоцна ги зафати и соседните региони Амхара и Афар, а во досегашните борби загинаа илјадници цивили.

cskh go88 go88 âu mỹ pay go88

kéo sunwin dang nhap sunwin sunwin kid