August 19, 2022 13:13
Свет

Најмалку еден загинат при ракетен напад врз станбена зграда во Киев, седумгодишно девојче спасено од урнатините

Најмалку едно лице загина, а пет лица се повредени денеска во Киев кога проектил погоди станбена зграда во централниот дел на градот, соопшти началникот на украинската полиција Игор Клименко.

Претходно денеска беше соопштено дека во Киев е погодена зграда на девет катови.

Украинските власти нагласија дека станува збор за руски ракетен напад, а градоначалникот на Киев, Виталиј Кличко го опиша нападот како обид да се заплаши Украина во пресрет на самитот на НАТО.

Се верува дека под урнатините на зградата има затрупани луѓе. Од таму спасени се седумгодишно девојче и неговата мајка, јави ДПА.